«Менің таңдауым» тақырыбында тәрбие сағаты.
2026 жылғы 2 қыркүйекте 10 «А» және 10 «Б» сыныптарында «Менің таңдауым» тақырыбында тәрбие сағаты өткізілді.
Мақсаты:
Оқушыларға «Таза Қазақстан» жалпыұлттық бастамасының мәні мен маңызын түсіндіру, қоршаған ортаны қорғауға деген жауапкершілікті қалыптастыру, табиғатқа ұқыпты қарауға, тазалықты сақтауға және экологиялық мәдениетті дамытуға тәрбиелеу.
Тәрбие сағаты барысында оқушыларға «Таза Қазақстан» идеясын күнделікті өмірмен байланыстыра отырып түсіндіру жұмыстары жүргізілді. Табиғатты қорғау, қоршаған ортаның тазалығын сақтау, қоқысты арнайы орындарға тастау, табиғи ресурстарды үнемдеу және қоғамдық орындарға ұқыпты қарау мәселелері талқыланды.
Оқушылар өз ойларын ортаға салып, «Менің таңдауым – таза орта», «Табиғатты қорғау – әр адамның міндеті» тақырыптарында пікір алмасты. Сонымен қатар әр адамның қоршаған ортаның тазалығы мен қауіпсіздігіне қосатын жеке үлесі туралы әңгіме жүргізілді.
Тәрбие сағаты барысында оқушылардың бойында экологиялық жауапкершілік, тазалық мәдениеті, табиғатқа деген құрмет және азаматтық белсенділік құндылықтарын қалыптастыруға ерекше көңіл бөлінді. Оқушылар табиғатты қорғау мен туған жердің тазалығын сақтау әр азаматтың ортақ міндеті екенін түсінді.
Іс-шара соңында оқушылар таза қоршаған орта – өзіміздің саналы таңдауымыз бен күнделікті әрекетіміздің нәтижесі екенін атап өтті.
#Адалазамат
#oqu_agartu_ministrligi
#біртұтас_тәрбие
#ganibeisembayev
#umckrg
https://www.instagram.com/reel/DcyFTjWJOi3/?utm_source=ig_web_copy_link&igsi=NTc4MTIwNjQ2YQ==